‘Salvemos
a Fracha’ súmase á Marcha da APDR
A
plataforma ‘Salvemos a Fracha’ súmase á Marcha contra Celulosas que organiza a
Asociación Pola Defensa da Ría (APDR) o vindeiro sábado 21 de xuño.
O colectivo apoia as
reivindicacións desta mobilización cidadá, acudirá á cita prevista para as
19.30 horas nas alamedas de Pontevedra e Marín e fai un chamamento a todos os
seus membros e á cidadanía para que convirta a Marcha nunha expresión
multitudinaria do sentir da cidadanía contra a permanencia do complexo
industrual de Lourizán.
'Salvemos a Fracha' é unha
plataforma veciñal constituida co fin de frear o proxecto da A-57 e defender o
entorno natural e cultural do monte da Fracha, un dos máis Importantes que ten
Pontevedra, e dos terreos afectados polo trazado dunha autovía paralela a AP-9.
A APDR xa non pode frear a instalación de ENCE e Elnosa de Lourizán, pero sí
loitar contra a súa permanencia e dende o noso colectivo manifestamos o apoio
das súas reivindicacións e aplaudimos a súa loita durante as dúas últimas
décadas.
A APDR é un dos colectivos
que, ao igual que ‘Salvemos a Fracha’ presentaron alegacións coincidentes
contra o proxecto da A-57. Tamén alegaron Vaipolorío, a Sociedade Galega de
Historia Natural (SGHN) e a Asociación do Lobo, que, ademáis, amosaron o seu
apoio ás nosas reivindicacións. A plataforma agradece o seu respaldo, así coma
o doutros colectivos que o teñen expresado de forma pública como a
Mancomunidade de Comumidades de Montes de Pontevedra, a asociación Defende o
Monte Pituco, o colectivo Espazo Ecosocialista e comunidades de montes e
veciños de varias parroquias de Pontevedra e Tomeza.
Ningún comentario:
Publicar un comentario